Kryesues i Delegacionit për Kartonin e Gjelbër në bisedimet e Brukselit, Rrahim Pacolli ka reaguar lidhur me ekstradimin e Ballist Morinës në shtetin e Serbisë.

Pacolli nëpërmjet një statusi në rrjetin social facebook ka shkruar se ekstradimi i Ballist Morinës nuk është aspak lajm i mirë.

“Presioni që ka bërë fqinji ynë për ekstradim e dëshmon këtë se nuk është çështje drejtësie, por politike. Nëse ka diçka për të cilën duhet të përgjigjet Ballisti, do të mund ta bënte në shtetin shqiptar e jo në Serbi”, ka shkruar ai.

Ai ka apeluar tek autoritetet kroate që të mos e bëjnë ekstradimin e tij.

Statusi i plotë:

Ekstradimi i “Heroit të Dronit” Ballist Morinës nuk është aspak lajm i mirë. Marrë parasysh marrëdhëniet Kosovë-Serbi ai asnjëherë nuk do ta ketë një gjykim të drejtë. Presioni që ka bërë fqinji ynë për ekstradim e dëshmon këtë se nuk është çështje drejtësie, por politike. Nëse ka diçka për të cilën duhet të përgjigjet Ballisti, do të mund ta bënte në shtetin shqiptar e jo në Serbi. Apelojmë tek autoritetet kroate, me të cilat kemi marrëdhënie shumë të mira që mos ta bëjnë ekstradimin e Ballistit. Liri për Ballist Morinën. Rr.P